RUNDANÉNA VAGABÓNDA E SULITÊRIA
L’è setèmbar: da la finêstra
dla mi chembra da lët
a guërd fura
e cun i’ócc dla fantasì
a scap cun i mi pinsir,
vulênd,
a’dlà dla seva d’amlöri,
de cocal mêlandè,
dla pianta sénza radis,
tachêda a e fil dla bughê
sôra e sraj dal besgalân.
Gvardënd a cvèl ca’iò fat
e a cvel can’so dvintè,
a l’impruvisa,
a m’incaj in’tla mi vciaja
arivêda ad bòta
Sôl una rundanéna vagabonda
ormaj armàsta sulitêria,
svulazênd intl’eria stambréna,
l’am dà una scòsa a e pët
e l’am’arcorda ca’so incôra viv.
RONDINE VAGABONDA E SOLITARIA
È settembre: dalla finestra
della mia camera da letto
guardo fuori
e con gli occhi della fantasia
scappo con i miei pensieri,
volando,
al di là della siepe di alloro,
del noce malaticcio,
della pianta aerea,
appesa al filo del bucato
sopra il recinto delle tartarughe.
Guardando a ciò che ho compiuto
e quello che non sono diventato,
all’improvviso,
incappo nella mia vecchiaia
giunta di colpo.
Solo una rondine vagabonda,
ormai rimasta solitaria,
svolazzando nell’aria settembrina,
mi dà una scossa al petto
e mi ricorda che sono ancora vivo.
