Al professor Guido Paolucci
Av’arcurdè i dutùr ad Catòlga d’una volta
ad prima e dop l’ultma guera?
Bunora, Rudi, Paolucci, al dutòr di burdél
clè mort tal 1995.
Al su fiol Guido anche lu dutòr di burdél
l’è dvent profesòr a primèrie dla clenica
pediatrica Gozzodini dal S. Orsola ad Bulogna.
E pu l’è dvent famos sempre più, sempre più,
per i su stùdie sora la leucemia di burdél,
sina da es cnusùd in tut al mond
(l’ha fat 700 publicaziòn e l’ha sei o set lauree ad honorem).
Dall’America alla Russia, dalla Cina all’Africa
le ascultéd e cunsultèd e ai cungrés mèdiche
il sta a santì a boca vérta.
Ma st’òm l’è arvènz mudèst
tent quant la è granda la su inteligenza e la su bontà.
L’è atachéd ma la su Catòlga tun mod apasiunéd
che tut i catulghin ij vo ben
perché per tut, ad qualunque raza e cunvinziòn
us presta sempre e an s’nega mai…
e sempre a gratis senza mai ciapé un frénch.
Mai una vesita privèda per studié,
studié sempre per scunfèg la leucemia di burdèl
(al chèncra tal sangue).
La su gioia l’è i prugrès enorme fat per vìnc
sta tereble malatia.
Og us selva l’utenta-nuventa per cent di malèd.
Quest sì clè un dutòr misiunèrie.
Che òm, che profesòr, i catulghin i l’ha tal cor
come lu l’ha tal cor la su Catòlga.
La fameja catulghina la è urgugliosa
